Skákþing Íslands 2009

Skákþing Íslands hefur á síðustu árum verið upphaf skákvertíðar Íslendinga, haldið um mánaðamótin ágúst-september ár hvert. Og nú, kreppuárið 2009, taka skákmenn fram skákskóna að nýju og streyma á skákstað til þátttöku í Íslandsmótinu. Landsliðsflokkur fer að þessu sinni fram í skákbænum Bolungarvík, en Áskorendaflokkur verður haldinn í Reykjavík, í umsjá Taflfélags Reykjavíkur.

Landsliðsflokkur

Landsliðsflokkur 2009 fer fram í Bolungarvík dagana 1.-11. september og er hápunktur metnaðarfullrar skákhátíðar Taflfélags Bolungarvíkur. Hér að neðan má finna helstu upplýsingar um mótið.

Pairings & Results / Pörun og úrslit Info / upplýsingar Live games / Bein útsending Games (pgn)

Meðal keppenda í Landsliðsflokki eru 2 stórmeistarar, 4 alþjóðlegir meistarar og 4 fjórir FIDE-meistarar.  Ekki er mögulegt að ná stórmeistaraáfanga og 7 vinninga þarf til að ná áfanga að alþjóðlegum meistaratitli.  

Aðeins einn keppendanna hefur áður orðið Íslandsmeistari, en það er Jón Viktor Gunnarsson sem hampaði titlinum árið 2000. Núverandi Íslandsmeistari er Hannes Hlífar Stefánsson.

Áskorendaflokkur:

Áskorendaflokkur fer fram í Skákhöllinni Faxafeni í umsjá Taflfélags Reykjavíkur. Mikil þátttaka er í ár og eru 45 keppendur með. 

Pairings & Results / Pörun og úrslit Info / upplýsingar Daglegar fréttir    Skákir (pgn)