Íslensk skákstig
Umsjón útreikninga
Stjórn Skáksambands Íslands skipar sérstaka nefnd, skákstiganefnd, sem sér um að reikna út íslensku skákstigin. Allar upplýsingar um mót sem reikna á til stiga verður að senda skákstiganefndinni. Netfang Skákstiganefndar er skakstig@skaksamband.is
Það er hlutverk mótsstjórans að senda skákstiganefnd niðurstöður móts ásamt öllum upplýsingum sem nauðsynlegar eru fyrir stigaútreikningana. Skákstiganefnd tekur einnig við upplýsingum frá skákmönnum sjálfum ef þær eru fullnægjandi. Áríðandi er að skákstiganefnd berist allar nauðsynlegar upplýsingar strax að móti loknu.
Kröfur um tímamörk
Öll mót sem tefld eru innanlands þar sem hvor skákmaður hefur að minnsta kosti 15 min til að ljúka skákinni eru tekin til útreiknings.
Atskák: 15-60 mínútur Langar skákir: lengri en 60 mínútur
Ótefldar skákir, t.d. þar sem annar hvor aðilinn mætir ekki til leiks, eru ekki reiknaðar til stiga.
Upplýsingar sem þarf að senda um mót
Eftirtaldar upplýsingar þurfa alltaf að fylgja mótstöflunni:
1. Kennitölur þátttakenda.
2. Upphafs- og lokadagur móts. Þessar dagsetningar eru nauðsynlegar til að hægt sé að reikna mótin í réttri tímaröð.
3. Tímamörk skákanna verða að fylgja svo mögulegt sé að dæma um hvort mótið (eða hugsanlega hluti þess) sé hæft til útreiknings.
4. Ótefldar skákir skulu vera merktar sérstaklega því eins og áður segir eru slíkar skákir ekki reiknaðar til stiga.
5. Stig þátttakenda. Reynslan sýnir að það er oft hjálplegt að hafa stig þátttakenda þegar erfitt er að ákvarða út frá öðrum upplýsingum hver skákmaðurinn er, t.d. ef kennitalan er röng.
Reglugerðin um útreikning skákstiga
1.september 2010
1.júní 2010
1.mars 2010
1.desember 2009
1.september 2009
1.júní 2009
1.mars 2009
|
